#എഡ്യൂക്കേഷണൽ ടെക്നോളജി ക്ലബ് പ്രവർത്തന രൂപരേഖ തയാറാക്കൽ സംസ്ഥാനതല ശില്പശാല തിരുവനന്തപുരത്ത് മന്ത്രി ഉദ്ഘാടനം ചെയ്തു#
അപ്ഡേഷനുകളുടെ കാലത്ത് ഏതു മേഖലയിൽ പ്രവർത്തിക്കുന്നവർക്കും പരിശീലനം അത്യന്താപേക്ഷിതമാണെന്ന് പൊതു വിദ്യാഭ്യാസവകുപ്പ് മന്ത്രി എൻ. ഷംസുദ്ദീൻ പറഞ്ഞു. സ്റ്റേറ്റ് ഇൻസ്റ്റ്യൂട്ട് ഓഫ് എഡ്യൂക്കേഷണൽ ടെക്നോളജിയുടെ നേതൃത്വത്തിൽ ഈ അധ്യയന വർഷത്തെ എഡ്യൂക്കേഷണൽ ടെക്നോളജി ക്ലബ്ബുകളുടെ പ്രവർത്തന രൂപരേഖ തയാറാക്കുന്നതിന് സംഘടിപ്പിച്ച സംസ്ഥാനതല ശില്പശാല ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി. ശ്രീകാര്യം മൺവിളയിൽ പ്രവർത്തിക്കുന്ന അഗ്രികൾച്ചറൽ കോ- ഓപ്പറേറ്റീവ് സ്റ്റാഫ് ട്രെയിനിംഗ് ഇൻസ്റ്റിറ്റ്യൂട്ടിലാണ് ശില്പശാല നടന്നത്.
നമ്മുടെ ചുറ്റുപാടുകളിലും കൈകാര്യം ചെയുന്ന മേഖലകളിലും എല്ലാം മാറ്റങ്ങൾ വന്നുകൊണ്ടിരിക്കുകയാണ്. ഈ മാറ്റങ്ങൾക്ക് ഒപ്പം സഞ്ചരിക്കാൻ എല്ലാ മേഖലകളിലും പരിശീലനം അനിവാര്യമാണ്.
വിദ്യാർത്ഥികൾക്ക് മുന്നിൽ വിവരങ്ങളുടെ മഹാപ്രവാഹമാണ്. മുൻപ് വിദ്യാർത്ഥികളുടെ അറിവുകളുടെ ഉറവിടം അധ്യാപകർ മാത്രം ആയിരുന്നെങ്കിൽ, ഇന്ന് അധ്യാപകർക്കൊപ്പം വിദ്യാർത്ഥികൾക്കും അറിവ് ലഭ്യമാകുന്ന നിരവധി സ്രോതസ്സുകൾ ഉണ്ട്. പരിശീലനങ്ങൾ രൂപകൽപ്പന ചെയ്യുന്ന സംവിധാനങ്ങൾക്ക് പോലും പരിശീലനം അനിവാര്യമായ കാലഘട്ടമാണ്. അധ്യാപകർ എപ്പോഴും അപ്ഡേറ്റഡ് ആയിരിക്കണമെന്നും വിദ്യാഭ്യാസ വകുപ്പിലെ എല്ലാ സംവിധാനങ്ങൾക്കും കാലികമായ പരിശീലനങ്ങൾ ലഭ്യമാക്കുന്നുണ്ടെന്നും മന്ത്രി വ്യക്തമാക്കി.
പൊതുവിദ്യാഭ്യാസം സമഗ്രമായ മാറ്റങ്ങൾക്ക് വിധേയമായിക്കൊണ്ടിരിക്കുന്ന ഈ കാലഘട്ടത്തിൽ അധ്യാപകരെയും വിദ്യാർത്ഥികളെയും വിദ്യാഭ്യാസ സാങ്കേതികവിദ്യയിൽ ശാക്തീകരിക്കുക, വിദ്യാർത്ഥികളിൽ ശാസ്ത്ര ബോധവും സാങ്കേതിക ജ്ഞാനവും മൂല്യബോധവും വളർത്തി പ്രാപ്തരാക്കുക എന്നീ ലക്ഷ്യങ്ങളോടെയാണ് ഏകദിനശില്പശാല സംഘടിപ്പിച്ചത്.
ചടങ്ങിൽ എസ്ഐഇടി ഡയറക്ടർ ടി. സിബി മുഹമ്മദ്, എസ് സി ഇ ആർ ടി ഡയറക്ടർ പ്രൊഫ. ഡോ.കെ.കെ മഷൂദ്, സീമാറ്റ് ഡയറക്ടർ ആർ. അരുൺകുമാർ, സാക്ഷരതാമിഷൻ ഡയറക്ടർ ഡോ. അഹമ്മദുൽ കബീർ എ.പി, എസ്ഐഇടി സീനിയർ അക്കാദമിക് കോ-ഓർഡിനേറ്റർ ഡോ. പി.എൽ. അനിൽകുമാർ തുടങ്ങിയവർ പങ്കെടുത്തു.
മാധ്യമ കോഴ്സുകളിലേക്ക് അപേക്ഷ ക്ഷണിച്ചു
കെൽട്രോൺ മാധ്യമ കോഴ്സുകളുടെ പുതിയ ബാച്ചുകളിലേക്ക് അപേക്ഷകൾ ക്ഷണിച്ചു. ഏതെങ്കിലും വിഷയത്തിൽ ബിരുദമുള്ളവർക്കും പ്ലസ് ടു കഴിഞ്ഞവർക്കും അനുയോജ്യമായ കോഴ്സുകളിലേക്ക് അപേക്ഷിക്കാം. വാർത്താ അവതരണം. ആങ്കറിംഗ് ടെലിവിഷൻ ജേർണലിസം, പ്രിന്റ് മീഡിയ ജേർണലിസം. ഡിജിറ്റൽ മീഡിയ ജേർണലിസം. ആർട്ടിഫിഷ്യൽ ഇന്റലിജൻസ് അധിഷ്ഠിത കണ്ടൻറ് നിർമ്മാണം, വീഡിയോ ക്യാമറാ പരിശീലനം, വീഡിയോ എഡിറ്റിംഗ്, മീഡിയ, പബ്ലിക് റിലേഷൻ, അഡ്വർടൈസിങ് തുടങ്ങിയ മേഖലകളിൽ അപേക്ഷിക്കാം.
പഠനകാലയളവിൽ അംഗീക്യത മാധ്യമസ്ഥാപനങ്ങളിൽ പ്രായോഗിക പരിശീലനം, ഇന്റേൺഷിപ്പ് കൂടാതെ പ്ലേസ്മെന്റ് സപ്പോർട്ട് എന്നിവ നിബന്ധനകൾക്ക് വിധേയമായി ലഭ്യമാകും. തിരുവനന്തപുരം, കോട്ടയം, കോഴിക്കോട്, പാലക്കാട് ജില്ലകളിലെ കെൽട്രോൺ പരിശീലന കേന്ദ്രങ്ങളിലേക്കാണ് അപേക്ഷ നൽകേണ്ടത്. അവസാന തീയതി സെപ്റ്റംബർ 19. കൂടുതൽ വിവരങ്ങൾക്ക്: 9544958182
ഇന്നത്തെ മന്ത്രിസഭാ യോഗത്തിലെടുത്ത ഏറ്റവും മികച്ച ഒരു തീരുമാനം
‘ബജറ്റിൽ പ്രഖ്യാപിച്ച പദ്ധതികൾ നടപ്പിലാക്കുന്നതിന് എല്ലാ വകുപ്പുകളെയും ഉൾപ്പെടുത്തി ഒരു ഏകോപനം ഉണ്ടാക്കും, പുതിയ ബജറ്റിൽ പ്രഖ്യാപിച്ച പദ്ധതികൾ സമയബന്ധിതമായി പൂർത്തിയാക്കും.
ഓരോ വർഷവും സർക്കാരുകൾ ബജറ്റ് അവതരിപ്പിക്കുമ്പോൾ നിരവധി പദ്ധതികൾക്ക് വേണ്ടി വീണ്ടും വീണ്ടും ഫണ്ട് അനുവദിക്കുന്ന കാഴ്ച നമ്മൾ കാണുന്നതാണ്.
പതിറ്റാണ്ടുകൾ കഴിഞ്ഞാലും പദ്ധതി നടപ്പിലാകില്ല എങ്കിലും ബഡ്ജറ്റിൽ പണം അനുവദിച്ചു കൊണ്ടേയിരിക്കും….
അതുകൊണ്ട് തന്നെ ബജറ്റുകൾ വെറും പ്രഹസനങ്ങളായി മാത്രം മാറുന്നു,
പൊതു ജനങ്ങൾക്ക് സർക്കാരുകളെ പരിഹസിക്കാനുള്ള ഒരു ഉപാധി മാത്രമായി മാറുന്നു… അതിന് ഒരു അവസാനമാവുകയാണ്…
മറ്റൊരു മാറ്റം കൂടി നമ്മുടെ സംസ്ഥാനത്ത് കൊണ്ടുവരുന്നു