നാളെ കോഴിക്കോട് മീലാദ് സമ്മേളനത്തില് മുഖ്യമന്ത്രിയുടെ ഉള്പ്പെടെ വിമര്ശനങ്ങള്ക്ക് മറുപടി പറയും.
സ്ത്രീവിരുദ്ധ പരാമര്ശത്തില് നിലപാട് വിശദീകരിക്കാന് സമസ്ത എപി വിഭാഗം നേതാവ് കാന്തപുരം എപി അബൂബക്കര് മുസ്ലിയാര്.പരാമര്ശത്തില് വ്യക്തതയും വരുത്തും. ഇന്നലെ തൃശൂര് സമ്മേളനത്തില് കാന്തപുരം നിലപാട് മയപ്പെടുത്തിയിരുന്നു.
സ്ത്രീകളെ കുഴിച്ചുമൂടണമെന്ന് പറയുന്നവരല്ല തങ്ങളെന്നും ഇസ്ലാം അങ്ങനെ പറയുന്നില്ലെന്നുമാണ് കാന്തപുരം ഇന്നലെ പറഞ്ഞത്. സ്ത്രീകള്ക്ക് രണ്ടാം സ്ഥാനം നല്കി എന്ന് പറയുന്നത് ശരിയല്ല. പെണ്കുട്ടികള്ക്ക് മാത്രമായി മദ്രസയും സ്കൂളുകളും സ്ഥാപിച്ചിട്ടുണ്ട്. കേരളത്തില് പെണ്കുട്ടികള്ക്കായി ധാരാളം സ്ഥാപനങ്ങള് നടത്തുന്നുണ്ട്. ഇന്ത്യയുടെ പലഭാഗങ്ങളിലും പെണ്കുട്ടികള്ക്ക് വേറെയും ആണ്കുട്ടികള്ക്ക് വേറെയുമായി സ്ഥാപനങ്ങള് ഉണ്ടാക്കി. അനാഥരായ പെണ്കുട്ടികളെയും സംരക്ഷിക്കുന്നുണ്ട്. ഭക്ഷണം വസ്ത്രവും മരുന്നും സൗജന്യമായി കൊടുക്കുന്നുണ്ടെന്നും കാന്തപുരം തൃശൂര് ജില്ലാ മീലാദ് കോണ്ഫറന്സില് സംസാരിക്കവെ പറഞ്ഞിരുന്നു.